ابوذيات شوق وفراق وعتاب \\\\\ بقلمي

[الهـــمام]

اضغط هنا وساهم معنا فى رفع ترتيب منتديات رحلة حب عن طريق عمل مشاركة للموضوع على الفيس بوك

حبك حيل ويدري صعب حبك
ارحم عبرته خطيه هذا الـ يحبك
ولا تصل دوم عنه خافي حبك

من عنك بعد انته اله اشتاكيت
وضليت حاير وللناس كله شكيت
بالجذب ماكتله الك اشتاكيت

شتضن بهده يهواك ويحبك ؟

^^^^^^^^^^^^^^^^^^^^^^^^^^^^^^

تعنيت لباب بيتك وبمشيتي هميت
او وياك ياحلو من القهر اني انهميت
ومن فراكك مو عدل محسوب اني هميت
بس من تجيني ترد الروح ليه


^^^^^^^^^^^^^^^^^^^^^^^^^^^^^^^^^


تعال وشوف دليلي وك سل بي
لان انته وياي دومك سلبي
يدنيه شما سلبتي بعد سلبي
بعد ما اهتم لو تدنه المنيه


^^^^^^^^^^^^^^^^^^^^^^^^^^^^^^^^^^


كلبي هواك وابد غيرك مختار
ولعشرتك يا محبوبي صار مختار
بفراكك ضاع مخه وصبح مختار
يحط على كل الناس وميحط عليه


^^^^^^^^^^^^^^^^^^^^^^^^^^^^^^^^^


يالغالي مشتاك احضنك واشم شم
ومن حبك وهجرك صرت اني مبرشم
كل اشعارك وياي برشومة وتبرشم
وانه اكتبلك واكول هم يحن عليه


^^^^^^^^^^^^^^^^^^^^^^^^^^^^^^^


كل الليالي عليه شهود
سهران وماعجبني شعر شهود
انتي علي احلى من العسل وشهود
بس ماضنيتج تبخلين بـ بوسة عليه


^^^^^^^^^^^^^^^^^^^^^^^^^^^^^^^^^


محبوبي وبالليل افكر واذكره
كلبي لو ينساه ادوس عليه واذكره
بهذا القلم بالدفتر كتبت ذكره
حبيبي ارجعلي وارحم بحالي شوية


^^^^^^^^^^^^^^^^^^^^^^^^^^^^^^^^


شتضن هيه الشغله سهله ؟
تروح وتغيب وترجعلي , سهله ؟
اني اجاوبك لا ابد مو سهله!


لان من بعدت وحدي عفتني
ومن دون كل الناس انته هجر تني
رجعتلي بس ما احبك لان عفتني

عرفت هسا ليش الشغله مو سهله ؟



ــــــــــــــــــــــــــــــــــــــــــــــــــ ــــــــــــــــــ


* اول شي اتمنى ان تكون الابوذيات نالت اعجابكم

* اي عضو مافهم معنة الابوذية بس يكلي و ان شاء الله ما اقصر



تحياتي


اسير الليل

 

[bella]

دائما كلماتك تجعلني عاجزة عن التعبير
نعم لقد نالت اعجابي
ايادي تحرم ع النار يارب
بالتووفيق

 

[الهـــمام]

دائما كلماتك تجعلني عاجزة عن التعبير
نعم لقد نالت اعجابي
ايادي تحرم ع النار يارب
بالتووفيق

يابه اني حاضر للطيبين وامنيتي ان تعجبكم والحمد لله

منورة اختي

 

[نـــļřậqـــور]

شتضن هيه الشغله سهله ؟
تروح وتغيب وترجعلي , سهله ؟
اني اجاوبك لا ابد مو سهله!


لان من بعدت وحدي عفتني
ومن دون كل الناس انته هجر تني
رجعتلي بس ما احبك لان عفتني

عرفت هسا ليش الشغله مو سهله ؟

كلمات جارفه خرجت من القلب تعبر عن احساس عاشق

تسطرت في ابهى حلة ليخرج لنا هذا النص الجميل
راقية وجميلة تلك الكلمات التي نثرتها

كنثر الورد

يفوح منها عبير

اسرتني معها الى عالم جميل

مليء بالورد والالوان الزاهية

ابوذيات تأسر القلب

وتجول برقتها وخفتها
تستحق احلى تقييم
ودمت بهذا الابداع والتميز
دعواتي الصادقه الك
نـــــ الـــــــــعــراق ـــــــور

 

[انوار منسي]

تعنيت لباب بيتك وبمشيتي هميت
او وياك ياحلو من القهر اني انهميت
ومن فراكك مو عدل محسوب اني هميت
بس من تجيني ترد الروح ليه

***
شكررررررررررا عزيزنا اسير الليل
كلمات كتبت بذوق واحساس جدا روعه
اتمنى مننحرم من قلمك المميز